httpvh://www.youtube.com/watch?v=XDOLcvuX6XA

Estes días estase a falar moito da nova dos talleres brasileiros que producían algunhas das prendas de Inditex e que foron acusados de explotación laboral. O xigante galego do textil ten unha das políticas de Responsabilidade Social Corporativa (RSE) máis desenroladas e que máis marca tendencia no sector.

Moitas veces pensamos que so as empresas grandes, que cotizan e teñen accionistas deben ter moi en conta as súas relacións cos diferentes actores que rodean a organización. Pero a un nivel máis modesto tamén podemos controlar e estandarizar procesos cos nosos clientes, traballadores, provedores, entorno ou sociedade para obter importantes beneficios. Algúns deles son:

• Maior produtividade: a través de mellores condicións para os traballadores acádase unha mellor retención de talentos, e por ende, menores índices de rotación.
• Lealdade do cliente: satisfacendo as súas necesidades, empezando por proverlle de plataformas onde poida transmitir as súas necesidades e queixas. Ademáis da calidade e do prezo, os clientes empezan a demandar información das condicións de produción, as certificacións que ten o produto entre outras.
• Acceso a mercados: por cumprimento de estándares e certificacións esixidas por actores externos, incluíndo os consumidores.
• Credibilidade: a empresa é respetuosa coas persoas, comunidades, medio ambiente e a sociedade no seu conxunto proxecta unha reputación que lle garantiza maior sostenibilidade no tempo, reducindo riscos, anticipándose a situacións que poden afectarlle, maior axilidade para reaccionar e adaptarse e xerando confianza.

Polo tanto, unha política de RSE é hoxe en día tan necesaria como outras políticas para estar o día, evitar sustos e medrar dunha forma sostible.

Moitas veces as cidades convertense en auténticos fornos sobre todo agora no verán. Non é tanto o caso das cidades galegas onde a contaminación e o efecto do formigón non é tan significativo como noutras grandes urbes como pode ser Madrid. E que o caso da capital española é un dos máis claros para entender o concepto de Illa de Calor. Este consiste nunha acumulación de calor por mor da densidade urbana, o formigón e as edificacións e ten varios efectos ambientais. O máis importante é que provoca temperaturas nocturnas altas, xa que é pola noite cando se disipa todo esta calor acumulada. A máis medio – longo prazo pode provocar o alongamento do verán coas consecuencias que trae.

Entre as solucións que se propoñen para acabar coa Illa de Calor están o uso da cor branca. O efecto reflectante desta cor provoca que os edificios absorban menos calor. Pero un uso máis sorprendente aínda é o uso de asfalto branco para obter o mismo efecto polas rúas. A cuestión é tinguilo e non pintalo, para evitar resbalóns de peóns e ciclistas. Outro aspecto a ter en conta sería os problemas para o tráfico cos reflexos e cómo afectaría os condutores esta nova cor para a vista. Disque a baixada de temperatura nocturna podería ser de varios grados obtendo o efecto desexado.

¿E a vós, que vos parece?

Aquí tedes a iniciativa de Asfalto Branco

Todo sobre as Illas de Calor